اسلام آباد: ترجمان دفتر خارجہ طاہر اندرابی نے تصدیق کی ہے کہ افغانستان میں دہشتگردوں کے خلاف جاری آپریشن “غضبُ الحق” دوبارہ شروع کر دیا گیا ہے۔
ہفتہ وار پریس بریفنگ کے دوران ترجمان نے بتایا کہ عیدالفطر کے موقع پر برادر اسلامی ممالک کی درخواست پر آپریشن کو عارضی طور پر روکا گیا تھا، تاہم اب یہ وقفہ ختم ہو چکا ہے اور کارروائیاں دوبارہ شروع کر دی گئی ہیں۔
ترجمان دفتر خارجہ کے مطابق یہ ایک ہدفی (ٹارگٹڈ) آپریشن ہے جو صرف دہشتگردوں کے ٹھکانوں اور ان کے معاون انفرااسٹرکچر کے خلاف جاری رکھا جائے گا۔
انہوں نے کہا کہ پاکستان اپنی سرزمین کے خلاف ہونے والی دہشتگردی کے خاتمے کیلئے پرعزم ہے اور کسی بھی قیمت پر دہشتگرد عناصر کو برداشت نہیں کیا جائے گا۔
تجزیہ کاروں کے مطابق آپریشن کی بحالی خطے میں سکیورٹی صورتحال اور سرحد پار دہشتگردی کے تناظر میں اہم پیشرفت ہے۔
دیکھئیے:فاریاب میں داعش کی عید پارٹی ، کئی بڑے دہشت گرد موجود