فرانس کے شہر لیموج میں طلبہ کے پرتشدد احتجاج کے دوران ایک سو ترتالیس برس پرانی تاریخی عمارت اور سٹی ہال آگ لگنے سے تباہ ہو گیا ہے جبکہ اس کا چھیالیس میٹر بلند تاریخی مینار بھی گر گیا ہے۔
یہ واقعہ سترہ اکتوبر کو اس وقت پیش آیا جب طلبہ اعلیٰ تعلیمی فنڈز میں اضافے اور زندگی کے بڑھتے ہوئے اخراجات کے خلاف ملک بھر میں احتجاج کر رہے تھے اور اطلاعات کے مطابق اس روز تقریباً پانچ لاکھ پچاس ہزار افراد نے احتجاجی مارچ میں حصہ لیا۔
مقامی حکام کا کہنا ہے کہ نقاب پوش افراد کے ایک گروپ نے لیموج سٹی ہال کی کھڑکیاں توڑ کر اسے آگ لگا دی جس کی وجہ سے عمارت کی چھت اور تاریخی گھڑی والا مینار مکمل طور پر تباہ ہو گیا۔
اٹھارہ سو تراسی میں تعمیر ہونے والی اس تاریخی عمارت کو انیس سو پچھتر میں قومی یادگار کا درجہ دیا گیا تھا اور یہ دوسری جنگ عظیم کے دوران فرانسیسی مزاحمتی تحریک کا ایک اہم مرکز بھی رہی تھی۔
شہر کے میئر اور مقامی حکام نے اس عمارت کی تباہی کو ثقافتی ورثے کا ناقابل تلافی نقصان قرار دیا ہے جبکہ میئر نے مناسب سرکاری فنڈز نہ ملنے کی صورت میں اپنے عہدے سے مستعفی ہونے کی دھمکی بھی دی ہے۔
