خیبر پختونخوا کے ضلع ہنگو میں تل گُرگُری روڈ پر سکیورٹی فورسز اور دہشت گردوں کے درمیان شدید مسلح جھڑپ ہوئی ہے۔
ذرائع کے مطابق فائرنگ کے شدید تبادلے میں 3 دہشت گرد ہلاک ہو گئے، جبکہ سکیورٹی فورسز نے ہلاک ہونے والے عناصر کی لاشیں اپنے قبضے میں لے لی ہیں۔ رپورٹس میں بتایا گیا ہے کہ جھڑپ کے دوران 4 زخمی دہشت گردوں کو ان کے دیگر ساتھی موقع سے اپنے ساتھ لے کر فرار ہونے میں کامیاب ہو گئے۔
واقعے کے فوراً بعد سکیورٹی فورسز نے پورے علاقے کو محاصرے میں لے کر مفرور دہشت گردوں کی تلاش کے لیے سرچ آپریشن شروع کر دیا ہے۔
واضح رہے کہ خیبر پختونخوا اور بلوچستان میں دہشت گردوں کے مکمل خاتمے کے لیے سکیورٹی فورسز کی مختلف ٹارگٹڈ کارروائیاں تیزی سے جاری ہیں۔
ریاستی سطح پر جاری آپریشن العزم، الرصاد اور گرج کے تحت کی جانے والی مؤثر کارروائیوں کے دوران اب تک مختلف علاقوں میں درجنوں دہشت گرد ہلاک کیے جا چکے ہیں۔
دیکھیے: کالعدم گروہ آپس میں ہی الجھ پڑے: کرم میں ٹی ٹی پی اور جماعت الاحرار کی جھڑپ میں 3 جنگجو ہلاک