برطانیہ میں پولیس نے ایک بھارتی طالب علم کو کم عمر لڑکیوں کو آن لائن ورغلانے (گروومنگ) کے سنگین الزام میں گرفتار کر لیا ہے۔ ملزم کی شناخت جیتیش کے نام سے ہوئی ہے جو کوونٹری میں تعلیم حاصل کر رہا تھا۔
پولیس کے مطابق ملزم آن لائن پلیٹ فارمز کے ذریعے کم عمر لڑکیوں سے نازیبا گفتگو میں ملوث پایا گیا، جو برطانوی قانون کے تحت ایک سنگین فوجداری جرم ہے۔ گرفتاری کے وقت پولیس افسران کی جانب سے حقائق سے آگاہ کیے جانے پر ملزم جذباتی طور پر ٹوٹ گیا اور رو پڑا۔
تفتیش کے دوران ملزم کے موبائل فون سے قابلِ اعتراض مواد برآمد ہوا، جس میں کم عمر لڑکیوں کے ساتھ نامناسب چیٹس شامل تھیں۔ پولیس کے مطابق فون میں ایک وال پیپر بھی پایا گیا جس پر لکھا تھا:
“اکیلا مت پڑنے دینا اس مہامانَو کو”
جسے تفتیشی حکام نے تشویشناک اور ملزم کی ذہنیت کی عکاسی قرار دیا ہے۔
برطانوی حکام کا کہنا ہے کہ کیس کی مزید تحقیقات جاری ہیں اور ڈیجیٹل شواہد کا تفصیلی جائزہ لیا جا رہا ہے۔ قانون نافذ کرنے والے اداروں نے واضح کیا ہے کہ بچوں کے تحفظ سے متعلق جرائم میں کسی قسم کی رعایت نہیں برتی جائے گی اور قصور ثابت ہونے کی صورت میں ملزم کو سخت سزا کا سامنا کرنا پڑ سکتا ہے۔
یہ واقعہ ایک بار پھر آن لائن بچوں کے تحفظ اور سوشل میڈیا کے غلط استعمال کے خطرات کو اجاگر کرتا ہے۔
دیکھیں: اسرائیل کا آبادکاروں کو راکٹوں سمیت بھاری اسلحہ فراہم کرنے کا منصوبہ