بھارت کا ایک اور تیجس جنگی طیارہ پرواز کے دوران ایئر بیس میں گر کر تباہ ہوگیا، پائلٹ محفوظ

بھارت کا ایک اور تیجس جنگی طیارہ پرواز کے دوران ایئر بیس میں گر کر تباہ ہو گیا۔

بھارت کے لڑاکا طیارے اڑتے تابوت بن گئے ہیں، بھارتی میڈیا کا کہنا ہے کہ بھارت ایک اور تیجس لڑاکا طیارے سے محروم ہو گیا ہے، لینڈنگ کے دوران تربیتی پرواز ایئر بیس میں کریش ہو گئی۔

پائلٹ بروقت ایجیکٹ کرنے میں کامیاب رہا اور محفوظ رہا۔ حادثے کے بعد بھارتی ایئر فورس نے تمام تیجس طیاروں کا دوبارہ جائزہ لینے کا فیصلہ کر لیا ہے۔ انڈین ایئر فورس کے پاس 32 تیجس طیارے ہیں۔

بھارتی میڈیا کا کہنا ہے کہ دو سال کے دوران یہ تیسرا تیجس طیارہ گر کر تباہ ہوا ہے۔ پہلا تیجس طیارہ 2024 میں بھارتی ریاست راجستھان میں گر کر تباہ ہوا تھا، جب کہ دوسرا طیارہ گزشتہ سال دبئی ایئر شو میں زمین بوس ہو گیا تھا۔