اسلام آباد: امریکا کے ساتھ اہم مذاکرات کیلئے ایرانی وزیر خارجہ عباس عراقچی اور ایرانی اسپیکر سمیت اعلیٰ سطحی وفد پاکستان پہنچ گیا ہے۔
ذرائع کے مطابق ایرانی وفد کا طیارہ پاک فضائیہ کے طیاروں کی سکیورٹی میں نور خان ایئربیس پر لینڈ ہوا، جہاں سخت سکیورٹی انتظامات کیے گئے تھے۔
اطلاعات کے مطابق سعودی طیاروں نے بھی ایرانی وفد کو پاکستان تک محفوظ پہنچانے میں اہم کردار ادا کیا، جسے علاقائی سفارتکاری میں اہم پیش رفت قرار دیا جا رہا ہے۔
ذرائع کا کہنا ہے کہ امریکی وفد بھی آج رات پاکستان پہنچے گا، جہاں دونوں ممالک کے درمیان اہم مذاکرات متوقع ہیں۔
سفارتی حلقوں کے مطابق یہ مذاکرات خطے میں کشیدگی کم کرنے اور ایران۔امریکا تنازع کے حل کیلئے انتہائی اہم سمجھے جا رہے ہیں، جبکہ پاکستان اس عمل میں مرکزی ثالثی کردار ادا کر رہا ہے۔
مزید تفصیلات کا انتظار ہے۔