ایک ٹرائی اینگل بن گیا ہے جس میں بھارت، افغانستان اور پی ٹی آئی ہیں؛ خواجہ آصف

وزیر دفاع خواجہ آصف نے کہا ہے کہ ایک ٹرائی اینگل بن گیا ہے جس میں پاکستان تحریک انصاف (پی ٹی آئی)، بھارت اور افغانستان ہے، پی ٹی آئی کا دہشت گردی کے خلاف ایک بھی مذمتی بیان دکھایا جائے۔

خواجہ آصف کا کہنا تھاکہ دہشت گردی کا سلسلہ کسی اسٹیج پر تھما نہیں تھا کم ہو جاتا تھا اور بنوں کا علاقہ اس وقت دہشت گردی کا مرکز بنا ہوا ہے۔

انہوں نے کہا کہ بانی پی ٹی آئی کا سوشل میڈیا اکاؤنٹ کون چلا رہا ہے یہ ایک بڑا سوالیہ نشان ہے۔ عمران خان کے سوشل میڈیا اکاؤنٹ پرمواد پڑھ کر اندازہ ہوتا ہے کہ بھارت سے کوئی شخص اکاؤنٹ چلا رہا ہے۔

وزیر دفاع کا کہنا تھاکہ ایک ٹرائی اینگل بن گیا ہے جس میں پی ٹی آئی، بھارت اور افغانستان ہے، پی ٹی آئی کا دہشت گردی کے خلاف ایک بھی مذمتی بیان دکھایا جائے۔

ان کا کہنا تھاکہ افغانستان میں دہشت گردوں کے کیمپس ہیں، اگر افغانستان کہتا ہے کہ دہشت گرد ان کی پناہ میں نہیں تو اپنی پوزیشن واضح کرے، ہم تو سمجھتے ہیں کہ بھارت اور افغانستان پاکستان کو غیر مستحکم کرنا چاہتا ہیں۔

انہوں نے کہا کہ اللہ کے فضل سے کوئی بھی پاکستان کو غیر مستحکم نہیں کرسکتا، پاکستان اور افواج کی کامیابیوں کی وجہ سے بانی پی ٹی آئی کی امید کے دروازے بند ہوتے جا رہے ہیں۔

دیکھیں: اسرائیل بدمعاش ریاست، تمام مسلم ممالک اس کے خلاف متحد ہوں؛ خواجہ آصف