کولکتہ میں دو غیر ملکی سیاحوں نے سٹریٹ فوڈ میں ویڈیو بناتے ہوئے کھانے کی کی پلیٹ کوڑے دان میں پھینک دی، جس سے بھارت میں صفائی کے حالات پر نئی بحث چھڑ گئی ہے۔
غیر ملکی ویلاگرز کے جوڑے نے کولکتہ کی ایک گلی میں دہی بھلے خریدنے کی کوشش کی لیکن کھانے کی غیر صحت بخش تیاری دیکھ کر انہوں نے پلیٹ کوڑے دان میں پھینک دی۔ ویڈیو میں واضح ہے کہ دکاندار بغیر صفائی ستھرائی کے کھانا تیار کر رہا تھا مزید یہ کہ برتن بھی صاف نہیں تھے۔
ایک ویلاگر نے کہا “میں اپنی صحت کے ساتھ جوئے نہیں کھیل سکتا۔ ان کا انسٹاگرام پوسٹ وائرل ہو گیا جس میں انہوں نے لکھا کہ وہ کھانا ضائع نہیں کرنا چاہتے تھے لیکن کوئی دوسرا شخص اسے لینے کو تیار نہیں تھا۔
یہ واقعہ اس وقت سامنے آیا ہے جب حال ہی میں قازقستان کی خواتین کرکٹ ٹیم کے ارکان کو بھارتی سڑکوں پر کچرے کے ڈھیروں کے درمیان چلتے دیکھا گیا تھا۔ ان واقعات نے بھارت کے ‘سوچھ بھارت’ مہم کے دعوؤں پر سوال اٹھا دیے ہیں۔
ماہرین کا کہنا ہے کہ یہ معاملہ بھارت کی بین الاقوامی ساکھ کو متاثر کر سکتا ہے، خاص طور پر اس کے عالمی ایونٹس کی میزبانی کے عزائم کے حوالے سے۔
دیکھیں: اقوام متحدہ سے اجازت ملنے کے بعد امیر خان متقی رواں ہفتے روس اور بھارت کا دورہ کریں گے