چارسدہ کے علاقہ پڑانگ کے قریب نامعلوم موٹرسائیکل سواروں کی فائرنگ سے دو خواتین اساتذہ جاں بحق ہو گئیں۔ مذکورہ واقعہ اس وقت پیش آیا جب دونوں خواتین صبح کے وقت تدریس کے لیے اسکول جا رہی تھیں۔
پولیس کے مطابق متاثرہ خواتین گورنمنٹ ہائی اسکول شاہ پسند کلے کی اساتذہ تھیں۔ نامعلوم افراد نے موٹرسائیکل سے ان پر فائرنگ کی، جس کے نتیجے میں دونوں موقع پر ہی جاں بحق ہو گئیں۔
پولیس نے تحقیقات کا آغاز کرتے ہوئے جائے وقوعہ سے شواہد جمع کیے ہیں اور مقامی سی سی ٹی وی فوٹیج اور گواہوں کے بیانات حاصل کر رہی ہے۔ ابتدائی رپورٹس کے مطابق یہ حملہ منصوبہ بندی کا حصہ ہوسکتا ہے اور مجرموں کی شناخت کے لیے تفتیش جاری ہے۔
واقعے کے بعد علاقے میں سیکیورٹی کے انتظامات سخت کر دیے گئے ہیں۔ مقامی انتظامیہ نے شہریوں سے ہر مشکوک حرکت کی فوری اطلاع دینے کی اپیل کی ہے۔
دیکھیں: پاکستان کا بھارتی وزیرِ خارجہ کے بے بنیاد اور اشتعال انگیز بیان پر شدید ردعمل
