بااعتماد ذرائع نے سوشل میڈیا اور واٹس ایپ پر گردش کرنے والی خبروں کی سختی سے تردید کی ہے، جن میں دعویٰ کیا گیا تھا کہ خیبرپختونخوا میں گورنر راج نافذ کیا جا رہا ہے اور اہم مقامات پر پاکستان آرمی کی تعیناتی کی گئی ہے۔
ذرائع کے مطابق یہ تمام خبریں بے بنیاد اور افواہوں پر مبنی ہیں، اور گورنر ہاؤس یا دیگر اہم مقامات پر کسی قسم کی فوجی تعیناتی نہیں کی جا رہی۔ اس حوالے سے سوشل میڈیا پر گردش کرنے والے دعوے سراسر غلط ہیں اور ان میں کوئی صداقت نہیں ہے۔
باوثوق ذرائع نے عوام سے اپیل کی ہے کہ وہ سوشل میڈیا یا واٹس ایپ پر پھیلائی جانے والی غیر مصدقہ خبروں پر یقین نہ کریں اور صرف مستند میڈیا رپورٹس کو ہی معتبر سمجھیں۔
یہ فیکٹ چیک اس بات کی تصدیق کرتا ہے کہ خیبرپختونخوا میں گورنر راج یا کسی فوجی کارروائی کا کوئی جواز یا منصوبہ موجود نہیں ہے، اور تمام افواہیں سیاسی یا اطلاعاتی انتشار پیدا کرنے کی نیت سے پھیلائی جا رہی ہیں۔