اسلام آباد: لکی مروت کے وفد نے افغان سفیر سے اسلام آباد میں ملاقات کی۔ دورانِ ملاقات وفد نے افغان سفیر سے مطالبہ کیا کہ کابل خیل کے مزدوروں کو فوری رہا کیا جائے۔
وفد جامعہ حلیمیہ پیزو کے مہتمم مفتی عبدالغنی شاہ کی قیادت میں افغان سفیر سے ملا، جس میں رانرا امن جرگے کے اراکین بھی شامل تھے۔ وفد نے افغان سفیر سے کہا کہ کابل خیل کے افراد افغانستان میں محنت مزدوری کے لیے گئے تھے لیکن انہیں اغوا کر لیا گیا ہے۔
سفیر نے وفد کو یقین دہانی کراتے ہوئے کہا کہ افغان حکومت اس معاملے کو سنجیدگی سے لے رہی ہے اور مغوی افراد کی بازیابی کے لیے جلد اقدامات کیے جائیں گے۔
اغوا شدہ مزدور رواں سال جنوری میں اغوا ہوئے تھے۔ وہ کابل خیل کی اس فیکٹری میں تھے جو علاقے سے یورینیم نکالنے کا کام کرتی ہے۔ خیال رہے کہ یہ منصوبہ پاکستان اٹامک انرجی کمیشن کے تحت چلایا جا رہا ہے۔
دیکھیں: وزیر اعلیٰ علی امین گنڈاپور کا وادی تیراہ کا دورہ، متاثرین سے تعزیت
