بلوچستان کے ضلع مستونگ کے علاقے کھڈ کوچہ میں سکیورٹی فورسز نے آپریشن العزم کے تحت کامیاب انٹیلی جنس بیسڈ کارروائی کرتے ہوئے 4 دہشت گردوں کو ہلاک کر دیا۔
ذرائع کے مطابق کارروائی کے دوران ہلاک دہشت گردوں کے قبضے سے بھاری مقدار میں اسلحہ، گولہ بارود، دھماکا خیز مواد اور دیگر جنگی سامان برآمد کیا گیا، جبکہ دہشت گردوں کے زیر استعمال موٹر سائیکلیں بھی تحویل میں لے لی گئیں۔
سکیورٹی ذرائع کے مطابق آپریشن میں فتنۃ الہندوستان سے تعلق رکھنے والے دہشت گردوں کو نشانہ بنایا گیا، جبکہ کارروائی کے دوران متعدد دہشت گرد زخمی بھی ہوئے۔ اس کے علاوہ سہولت کاری میں ملوث مشتبہ افراد کو بھی گرفتار کر لیا گیا۔
حکام کے مطابق علاقے میں سرچ اور کلیئرنس آپریشن تاحال جاری ہے۔ سکیورٹی فورسز کا کہنا ہے کہ بلوچستان میں دہشت گردی کے مکمل خاتمے اور امن کے قیام تک کارروائیاں جاری رکھی جائیں گی۔
دیکھیے: مستونگ: انٹیلی جنس بیسڈ آپریشن میں 6 دہشت گرد ہلاک، متعدد گرفتار