مستونگ میں سڑکوں کی کشادگی اور سکیورٹی اقدامات کو متنازع بنانے کے لیے فتنۃ الہندوستان کے سہولت کاروں کا نیا پراپیگنڈا بے نقاب ہو گیا ہے۔
سہولت کار ایک باغ میں مشین سے درختوں کی صفائی کی ویڈیو کے اصل حقائق چھپا کر اسے منفی رنگ دے کر پھیلا رہے ہیں۔
ماضی میں بھی این-25 کوریڈور کی توسیع کے لیے قانونی کٹائی کی ویڈیوز کو ریاست مخالف پراپیگنڈے کے لیے استعمال کیا گیا تھا۔
حکومت نے سڑک کی حدود میں آنے والے درختوں اور اراضی کا تمام متاثرہ مالکان کو قانون کے مطابق پورا معاوضہ ادا کیا ہے۔
کھڈ کوچہ اور گارو میں سکیورٹی صورتحال حساس ہے، جہاں سیب کے ایک باغ میں دھماکے سے 4 بے گناہ مزدور جاں بحق ہو چکے ہیں۔
وزیر اعلیٰ سرفراز بگٹی کی وارننگ ان نجی املاک سے متعلق تھی جو دہشت گردوں کو پناہ دینے کے لیے استعمال ہوتی ہیں، کسانوں کے خلاف نہیں۔
فتنۃ الہندوستان کا بیانیہ ترقیاتی کاموں اور لازمی سکیورٹی اقدامات کو ایک ساتھ ملا کر عوام کو گمراہ کرنے کی ناکام کوشش کر رہا ہے۔
حکومتی ذرائع کے مطابق شہریوں کی حفاظت اور بلوچستان میں ترقی کا عمل بلا تعطل جاری رہے گا۔
دیکھیے: فتنۃ الہندوستان کا دہشت گردانہ حملہ، کوئٹہ میں معروف تاجر قتل
