شمالی وزیرستان کے علاقے میر علی میں سکیورٹی فورسز نے خفیہ اطلاع کی بنیاد پر کامیاب انٹیلی جنس بیسڈ آپریشن کیا، جس کے دوران ایک اہم خوارج دہشت گرد ہلاک ہو گیا۔
سکیورٹی ذرائع کے مطابق ہلاک ہونے والے دہشت گرد کی شناخت زکریا کے نام سے ہوئی ہے جو علاقے میں بدامنی کی سرگرمیوں میں ملوث تھا۔
یہ کارروائی سکیورٹی فورسز کی جانب سے علاقے میں دہشت گردوں کی موجودگی کی مصدقہ اطلاع ملنے پر کی گئی۔
آپریشن کے دوران فورسز نے دہشت گرد کے ٹھکانے کو انتہائی مؤثر انداز میں نشانہ بنایا، جہاں شدید فائرنگ کے تبادلے کے بعد زکریا کو موقع پر ہی ڈھیر کر دیا گیا۔
سکیورٹی ذرائع کا کہنا ہے کہ میر علی اور شمالی وزیرستان کے دیگر علاقوں میں دہشت گردوں کے مکمل خاتمے کے لیے انٹیلی جنس بیسڈ کارروائیاں اور ٹارگٹڈ آپریشنز بلا تعطل جاری ہیں۔
سکیورٹی فورسز علاقے میں امن و امان قائم رکھنے اور دہشت گردوں کے کسی بھی ممکنہ نیٹ ورک کو توڑنے کے لیے مسلسل سرگرمِ عمل ہیں۔
دیکھیے: ہنگو: سکیورٹی فورسز کا انٹیلی جنس بیسڈ آپریشن، 7 دہشت گرد ہلاک