Skip to content 
سیکیورٹی فورسز نے 7 اکتوبر کو پیش آنے والے سانحے کا بھرپور جواب دیتے ہوئے 30 دہشت گردوں کو ہلاک کر دیا۔
یاد رہے کہ 7 اکتوبر کے حملے میں میں پاک فوج کے لیفٹیننٹ کرنل جنید طارق اور میجر طیب راحت سمت 11 ملکی محافظوں نے اپنی جانوں کے نذرانے پیش کیے تھے۔
ترجمان پاک فوج کے مطابق ضلع اورکزئی میں خفیہ اطلاعات کی بنیاد پر آپریشن کرتے ہوئے سیکیورٹی فورسز نے اورکزئی سانحے میں ملوث 30 دہشت گردوں کو انجام تک پہنچا دیا۔
آئی ایس پی آر نے آپریشن کی تصدیق کرتے ہوئے کہا کہ یہ کامیاب آپریشن دراصل اورکزئی حملے کا انتقام تھا جس میں گیارہ ملکی محافظوں نے اپنی جانوں کے نذرانے پیش کیے تھے۔
اآئی ایس پی آر کے مطابق دہشت گردانہ حملے میں ملوث دہشت گردوں کو ان کے انجام تک پہنچا دیا گیا ہے۔
آئی ایس پی آر کے مطابق اورکزئی میں مزید آپریشن بھی جاری ہیں تاکہ ملک دشمن عناصر کا صفایا کر کے پاکستان میں امن و امان ممکن ہوسکے۔
