پاکستان افغانستان جنگ کے بجائے مذاکرات کا راستہ اپنائیں: زلمے خلیل زاد

امریکا کے سابق خصوصی نمائندہ برائے افغان مذاکرات زلمے خلیل زاد نے پاکستان اور افغانستان کے درمیان سرحدی کشیدگی پر تشویش کا اظہار کرتے ہوئے کہا کہ اس طرح کے مسائل سے اور ان حالات میں قیامِ امن کی امیدیں معدوم ہوتی جارہی ہیں۔

خلیل زاد نے اپنے آفیشل ایکس اکاؤنٹ پر کہا کہ دونوں ممالک کے درمیان ایک مرتبہ پھر لڑائی پھر شروع ہوچکی ہے۔ اور دونوں ممالک کی جانب سے حملوں کی متضاد خبریں موصول ہو رہی ہیں۔ انہوں نے پاک افغآن جھڑپوں کے دوران ہونے والے نقصان پر افسوس کا اظہار کیا۔

انہوں نے مزید کہا کہ فریقین کو مسائل کے حل کے لیے سفارتکاری کو اپنانا ہوگا تاکہ مزید نقصانات سے بچا جا سکے۔

ماہرین کے مطابق پاک افغان سرحد پر جاری کشیدگی نہ صرف دونوں ممالک کے تعلقات کو متاثر کر رہی ہے بلکہ اس سے خطے کی سلامتی اور امن و امان بھی داؤ پر لگ رہا ہے لہذا ایسے وقت میں مذاکرات ہی واحد راستہ ہے جس کے ذریعے فریقین مل بیٹھ کر تمام مسائل کو حل کرنے کی کوشش کریں۔

دیکھیں: اسپن بولدک میں پاک فوج کی زبردست جوابی کارروائی، افغان طالبان جنگ بندی کے لیے مجبور