پاکستان میں فائیو جی کا آغاز، تین ٹیلی کام آپریٹرز کو لائسنس جاری

اسلام آباد: پاکستان میں فائیو جی سروس کے آغاز کی جانب اہم پیشرفت سامنے آئی ہے، جہاں تین ٹیلی کام آپریٹرز کو فائیو جی اسپیکٹرم کے لائسنس جاری کر دیے گئے ہیں۔

وزیراعظم شہباز شریف نے تقریب سے خطاب کرتے ہوئے فائیو جی اسپیکٹرم کی نیلامی کو اہم سنگ میل قرار دیا اور کہا کہ جدید ٹیکنالوجی کا فروغ صنعت، زراعت اور آئی ٹی کے شعبوں میں انقلاب برپا کرے گا۔ ان کا کہنا تھا کہ حکومت ٹیکنالوجی کو ملک کے ہر کونے، دیہات اور دور دراز علاقوں تک پہنچانے کے لیے پرعزم ہے۔

انہوں نے کہا کہ فائیو جی لائسنس کی نیلامی شفاف انداز میں مکمل کی گئی، جبکہ اس عمل کے دوران درپیش قانونی رکاوٹوں کو بھی مؤثر طریقے سے حل کیا گیا۔

وزیراعظم نے قانونی امور میں تعاون پر وزیر قانون اعظم نذیر تارڑ اور متعلقہ ٹیم کو سراہتے ہوئے کہا کہ ماضی میں درپیش مسائل کے باوجود فائیو جی کے حصول کی راہ ہموار کی گئی۔

حکام کے مطابق فائیو جی ٹیکنالوجی کے آغاز سے ڈیجیٹل معیشت کو فروغ ملے گا اور ملک میں تیز رفتار انٹرنیٹ سہولیات کے نئے دور کا آغاز ہوگا۔

دیکھئیے:کیا پاکستان کا جوہری پروگرام دنیا کے لیے خطرہ ہے؟ ٹُلسی گیبارڈ کے دعوے پر ماہرین کی شدید تنقید