اسلام آباد: پاک افغان سرحد پر کسی بھی قسم کی جھڑپ یا فوجی تصادم کی اطلاعات کو مسترد کر دیا گیا ہے، جبکہ ذرائع کا کہنا ہے کہ اس حوالے سے گردش کرنے والی خبریں بے بنیاد اور گمراہ کن ہیں۔
ذرائع کے مطابق کابل سے موصول معلومات میں کہا گیا ہے کہ سرحدی علاقوں میں اس وقت کوئی عسکری کارروائی یا انگیجمنٹ نہیں ہو رہی۔ ان کا کہنا ہے کہ سوشل میڈیا اور بعض صحافی گروپس میں پھیلائی جانے والی اطلاعات حقیقت کے برعکس ہیں
عید کے احترام میں کل دونوں جانب سے جنگ بندی کا اعلان کیا گیا تھا، ذرائع کے مطابق جھڑپوں کی خبریں جھوٹی ہیں اور بارڈر پر مکمل سیز فائر ہے
ذرائع نے الزام لگایا ہے کہ یہ فیک خبریں مبینہ طور پر ٹی ٹی پی سے وابستہ عناصر اور بھارتی سفارتخانے کے قریب سمجھے جانے والے حلقوں کی جانب سے پھیلائی جا رہی ہیں تاکہ صورتحال کو خراب کیا جا سکے۔
تجزیہ کاروں کے مطابق موجودہ کشیدہ ماحول میں غلط معلومات اور پروپیگنڈا مہمات خطے میں مزید بے یقینی پیدا کر سکتی ہیں، اس لیے مصدقہ ذرائع پر انحصار ضروری ہے۔
دیکھئیے:عید کے پیش نظر آپریشن ’غضب للحق‘ میں عارضی وقفہ، پاکستان کا اہم اعلان