لاہور: پاکستان سپر لیگ (پی ایس ایل) کے گیارھویں ایڈیشن کا آفیشل ترانہ جاری کر دیا گیا، جسے عالمی شہرت یافتہ گلوکار عاطف اسلم نے گایا ہے۔
پی ایس ایل 11 کے ترانے کی تھیم “کھیلیں گے بیٹ پہ” رکھی گئی ہے، جس میں آئمہ بیگ، صابری سسٹرز اور دانیا کنول نے بھی اپنی آواز کا جادو جگایا ہے۔
لاہور میں ہونے والی تقریب میں چیئرمین پی سی بی محسن نقوی نے ملکی و غیر ملکی کھلاڑیوں اور معزز شخصیات کا استقبال کیا، جبکہ اسی موقع پر پی ایس ایل 11 کی ٹرافی کی رونمائی بھی کی گئی۔
پی سی بی حکام کے مطابق نیا ترانہ لیگ کے جوش و خروش اور کرکٹ کے جذبے کو اجاگر کرتا ہے، جسے شائقین کی جانب سے بھرپور پذیرائی ملنے کی توقع ہے۔
واضح رہے کہ پی ایس ایل 11 کا آغاز 26 مارچ سے ہوگا اور ایونٹ 3 مئی تک کراچی اور لاہور میں کھیلا جائے گا۔
دیکھئیے:پی ایس ایل 11 کی رنگا رنگ تقریب، محسن نقوی کا کھلاڑیوں کے اعزاز میں استقبالیہ