پاکستان تحریک انصاف کا اسلام آباد کی جانب لانگ مارچ ہوگا یا ملتوی؟ اس اہم سیاسی سوال کا حتمی فیصلہ آج سہ پہر تین بجے متوقع ہے۔
اس حوالے سے وزیراعلیٰ خیبرپختونخوا سہیل آفریدی آج سہ پہر تین بجے ایک اہم پریس کانفرنس سے خطاب کریں گے۔ سیاسی حلقوں اور عوام کی نظریں اس پریس کانفرنس پر لگی ہوئی ہیں۔
دوسری جانب وفاقی حکومت نے کسی بھی قسم کی چڑھائی کو روکنے کے لیے سخت ترین حفاظتی اقدامات کا اعلان کر رکھا ہے۔ سکیورٹی ہائی الرٹ ہے اور دارالحکومت کے داخلی راستوں پر سخت نگرانی کی جا رہی ہے۔
ادھر سی ایم سوشل میڈیا ٹیم کے رکن حسنین کے مطابق وزیراعلیٰ سہیل آفریدی نے 27 ستمبر کا مارچ ملتوی کرنے کا فیصلہ کر لیا ہے۔ تاہم پی ٹی آئی کی صفوں میں مارچ کے انعقاد پر اصرار بدستور برقرار دکھائی دیتا ہے۔
واضح رہے کہ بانی پی ٹی آئی عمران خان نے پارٹی کارکنوں اور قائدین کو 27 ستمبر کو اسلام آباد پہنچنے کی واضح ہدایت دی تھی۔ اب تمام نظریں وزیراعلیٰ خیبرپختونخوا کے باضابطہ اعلان پر مرکوز ہو چکی ہیں۔
دیکھیے: انتظامی فاصلے اور بڑھتی آبادی: 76 فیصد نوجوانوں نے نئے صوبوں کی حمایت کر دی