روسی صدر ولادیمیر پیوٹن نے روسی مسلح افواج کو یوکرین کے توانائی کے بنیادی ڈھانچے اور توانائی کی تنصیبات پر بڑے حملوں کی تیاری اور کارروائی کا حکم دے دیا۔
روسی میڈیا کے مطابق پیوٹن نے کرغزستان کے دارالحکومت بشکیک میں شنگھائی تعاون تنظیم کے سربراہی اجلاس کے بعد گفتگو کرتے ہوئے کہا کہ روسی افواج کو یوکرین کی توانائی تنصیبات کے خلاف بڑے حملوں کی ہدایات جاری کر دی گئی ہیں۔
روسی صدر کے مطابق یہ اقدام روسی شہری انفراسٹرکچر اور آئل ریفائنریوں پر یوکرینی مسلح افواج کے حملوں کے جواب میں کیا جا رہا ہے۔
پیوٹن نے یوکرینی صدر وولودیمیر زیلنسکی کے روسی فضائی حدود بند کرنے سے متعلق بیان پر بھی ردعمل دیا۔
روسی صدر نے امریکی سینٹرل انٹیلی جنس ایجنسی (سی آئی اے) کے ڈائریکٹر جان ریٹکلف سے ملاقات سے بھی انکار کر دیا۔