بلوچستان: کوئٹہ کے نواحی علاقے ہنہ اوڑک میں دہشت گردی کے خلاف ایئر پورٹ روڈ پر دیا جانے والا احتجاجی دھرنا وزیرِ اعلیٰ بلوچستان سرفراز بگٹی کے ساتھ کامیاب مذاکرات کے بعد ختم کر دیا گیا ہے۔
یہ دھرنا 5 جولائی کو ہنہ اوڑک کے علاقے کلی ببری میں پیش آنے والے دہشت گردی کے بزدلانہ واقعے کے خلاف دیا جا رہا تھا، جہاں مسلح افراد کی اندھا دھند فائرنگ کے نتیجے میں 5 مقامی افراد جاں بحق اور 9 زخمی ہو گئے تھے۔
انتظامی ذرائع کے مطابق وزیرِ اعلیٰ بلوچستان کی جانب سے متاثرین کو مطالبات کی منظوری اور انصاف کی فراہمی کی یقین دہانی پر مظاہرین نے ایئر پورٹ روڈ پر اپنا احتجاج ختم کرنے کا اعلان کیا۔
دھرنا ختم ہونے کے ساتھ ہی سکیورٹی فورسز کی بھرپور کوششوں کے نتیجے میں بڑی کامیابی سامنے آئی ہے، جہاں کوئٹہ کے علاقے ہنہ اوڑک کی کلی ببری سے اغوا کیے گئے تمام 11 مقامی افراد کو بحفاظت بازیاب کرا لیا گیا ہے۔
دیکھیے: وزیرستان آپریشن میں گل بہادر گروپ سے وابستہ افغان دہشت گرد ہلاک
