بھارتی قومی سلامتی کے مشیر اجیت ڈوول کے حالیہ دورہ سعودی عرب کے دوران انہیں ملنے والے انتہائی سرد استقبال اور پروٹوکول کی کمی نے عالمی سفارتی حلقوں میں بھارت کی عالمی سطح پر سفارتی حیثیت واضح کر دی ہے۔ سوشل میڈیا پر وائرل ہونے والی تصاویر کے مطابق اجیت ڈوول کے سعودی عرب پہنچنے پر کسی بھی اعلیٰ حکومتی یا سفارتی عہدیدار نے ان کا استقبال نہیں کیا، بلکہ محض ایئرپورٹ کے سکیورٹی ڈائریکٹر کو رسمی گلدستہ پیش کرنے کے لیے بھیجا گیا۔
سفارتی ماہرین اس غیر معمولی رویے کو بھارت کی واضح تذلیل اور خارجہ پالیسی کی عبرت ناک شکست قرار دے رہے ہیں۔ بین الاقوامی آداب کے مطابق اعلیٰ سطح کے وفود کا استقبال متعلقہ وزارتوں کے وزراء یا اعلیٰ ترین حکام کرتے ہیں، تاہم سعودی عرب جیسے اہم تزویراتی ملک کی جانب سے محض ایک سکیورٹی عہدیدار کو بھیجنا اس بات کا واضح ثبوت ہے کہ بھارت کی سفارتی اہمیت میں نمایاں کمی واقع ہوئی ہے۔
اس واقعے نے عالمی سطح پر یہ پیغام دیا ہے کہ خطے میں بھارت کا اثر و رسوخ تیزی سے کم ہو رہا ہے۔ سعودی عرب کی جانب سے پروٹوکول میں اس دانستہ کمی نے بھارتی ساکھ کو شدید نقصان پہنچایا ہے، جسے ناقدین بھارتی خارجہ پالیسی کی ناکامی اور بین الاقوامی سطح پر ملنے والی ایک ایسی شکست قرار دے رہے ہیں جسے اب چھپانا ممکن نہیں رہا۔
دیکھیے: شہباز شریف کا یورپی کونسل کے صدر سے ٹیلیفونک رابطہ: مشرقِ وسطیٰ کی صورتحال پر تبادلہ خیال