ترکیہ کے وزیر خارجہ ہاکان فیدان نے کہا ہے کہ افغانستان میں امن اور استحکام کا قیام پورے خطے کی سلامتی اور استحکام کیلئے نہایت اہم ہے۔
ترک سفارتی ذرائع کے مطابق ہاکان فیدان نے خطے کی موجودہ صورتحال پر گفتگو کرتے ہوئے کہا کہ وسطی ایشیا کے کئی ممالک کی سرحدیں افغانستان سے ملتی ہیں، اس لیے افغانستان میں ہونے والی پیش رفت کا براہ راست اثر علاقائی سیکیورٹی پر پڑتا ہے۔
انہوں نے کہا کہ افغانستان کی صورتحال نہ صرف پڑوسی ممالک بلکہ پورے خطے کے امن اور تعاون کیلئے اہم ہے، اسی لیے وہاں استحکام کا قیام ضروری ہے۔
ترک وزیر خارجہ نے اس موقع پر پاکستان اور طالبان کے درمیان حالیہ کشیدگی کا بھی ذکر کیا اور کہا کہ ترکیہ اس صورتحال کو قریب سے مانیٹر کر رہا ہے۔
ان کا کہنا تھا کہ افغانستان میں پائیدار امن خطے میں سیکیورٹی تعاون، اقتصادی روابط اور علاقائی استحکام کو مضبوط بنانے میں اہم کردار ادا کرے گا۔
ترک سفارتی ذرائع کے مطابق انقرہ خطے کی صورتحال پر مسلسل نظر رکھے ہوئے ہے اور افغانستان میں استحکام کیلئے سفارتی رابطوں کو بھی اہم سمجھتا ہے۔
دیکھئیے:پاکستان اور ترکیہ کے عسکری قیادت کا ٹیلیفونک رابطہ؛ سکیورٹی اور دفاعی تعاون پر اہم تبادلہ خیال