اسلام آباد اور راولپنڈی کے سنگم کے قریب فضاء میں پرواز کرنے والے دو ڈرون پاکستان کے فضائی دفاعی نظام نے مار گرائے ہیں۔
سکیورٹی ذرائع کے مطابق ڈرون فیض آباد کے قریب فضائی حدود میں منڈلا رہے تھے جنہیں ایئر ڈیفنس سسٹم نے بروقت کارروائی کرتے ہوئے تباہ کر دیا۔
حکام کے مطابق واقعے کے بعد اسلام آباد کی فضائی حدود کو عارضی طور پر بند کر دیا گیا تھا۔ تاہم، اسلام آباد انٹرنیشنل ایئرپورٹ پر مختصر تعطل کے بعد پروازوں کی آمد و رفت معمول کے مطابق بحال کر دی گئی ہے۔
سینئر پاکستانی حکام کا کہنا ہے کہ صورتحال کی نگرانی کی جا رہی ہے اور سکیورٹی ادارے مکمل طور پر الرٹ ہیں۔
دیکھئیے:لکی مروت میں پولیس موبائل پر دھماکہ، ایس ایچ او سمیت 6 جوان شہید