صدر آصف علی زرداری بلاول بھٹو کے ہمراہ دس روزہ طویل دورے پر چین روانہ ہو گئے

ترجمان دفتر خارجہ نے کہا کہ یہ دورہ پاکستان اور چین کے درمیان اعلیٰ سطح کے روابط کی روایت کو مزید مستحکم کرے گا۔
صدر آصف علی زرداری بلاول بھٹو کے ہمراہ دس روزہ طویل دورے پر چین روانہ ہو گئے

ترجمان ایوان صدر کے مطابق صدر آصف زرداری اپنے قیام کے دوران چنگدو، شنگھائی اور شنجیانگ کا دورہ کریں گے۔ اس موقع پر وہ صوبائی قیادت سے ملاقاتیں کریں گے جن میں پاک چین دوطرفہ تعلقات پر تفصیلی بات چیت ہوگی۔

September 12, 2025

صدرِ مملکت آصف علی زرداری چینی حکومت کی خصوصی دعوت پر آج سے 10 روزہ سرکاری دورے پر چین روانہ ہوگئے۔ صدر 12 سے 21 ستمبر تک مختلف چینی شہروں اور صوبوں کا دورہ کریں گے۔ سابق وزیر خارجہ بلاول بھٹو زرداری بھی ان کے ہمراہ ہوں گے۔

ترجمان ایوان صدر کے مطابق صدر آصف زرداری اپنے قیام کے دوران چنگدو، شنگھائی اور شنجیانگ کا دورہ کریں گے۔ اس موقع پر وہ صوبائی قیادت سے ملاقاتیں کریں گے جن میں پاک چین دوطرفہ تعلقات پر تفصیلی بات چیت ہوگی۔

صدر آصف زرداری اپنے دورے کے دوران اقتصادی و تجارتی تعاون کے ساتھ ساتھ چین پاکستان اقتصادی راہداری (سی پیک) اور مستقبل کے رابطہ کاری منصوبوں پر بھی تبادلہ خیال کریں گے۔ ان ملاقاتوں میں دونوں ممالک کے درمیان مختلف کثیرالجہتی فورمز پر تعاون کو مزید فروغ دینے کے معاملات بھی زیر بحث آئیں گے۔

ترجمان دفتر خارجہ نے کہا کہ یہ دورہ پاکستان اور چین کے درمیان اعلیٰ سطح کے روابط کی روایت کو مزید مستحکم کرے گا۔ مزید کہا گیا کہ یہ دورہ دونوں ممالک کی “ہر موسم کے اسٹریٹیجک تعاون پر مبنی شراکت داری” کو مضبوط بنانے کے عزم کی عکاسی کرتا ہے۔

ترجمان نے مزید کہا کہ صدر مملکت کے اس اہم دورے سے باہمی مفادات کے بنیادی امور پر حمایت کی تجدید ہوگی۔ علاوہ ازیں سی پیک منصوبے کو فروغ دینے، اقتصادی و تجارتی تعاون بڑھانے، اور علاقائی امن و ترقی کے عزم کا اظہار کیا جائے گا۔

ایوان صدر کے مطابق صدر آصف زرداری کا یہ دورہ خطے میں امن، ترقی اور استحکام کے لیے پاکستان کے عزم کا بھی مظہر ہے۔

دیکھیں: بھارت اور روس چین کے گہرے تاریک سائے میں کھو گئے، ٹرمپ کا معنی خیز ٹویٹ

متعلقہ مضامین

اقوام متحدہ میں پاکستان کے مستقل مندوب سید حیدر شاہ نے دہشتگردی کے خلاف قربانیوں، افغانستان سے حملوں اور عالمی پابندیوں کے نظام کو مؤثر بنانے پر زور دیا۔

November 22, 2026

ٹرمپ نے ایران کے ساتھ ایسا مستقل جوہری معاہدہ کرنے کی خواہش ظاہر کی ہے جسے مستقبل کا کوئی امریکی صدر تبدیل نہ کر سکے۔

November 22, 2026

رانا ثنا اللہ نے نئے صوبوں کے قیام سے متعلق تنازع کے حل کے لیے ملک میں ریفرنڈم کرانے کی تجویز پیش کردی۔

November 22, 2026

بنگلا دیش نے بھارت پر ملک میں بدامنی پھیلانے کا الزام عائد کردیا، عوامی لیگ کو بھارتی پراکسی قرار دینے کا دعویٰ بھی سامنے آگیا۔

November 22, 2026

رائے دیں

Leave a Reply

Your email address will not be published. Required fields are marked *