Skip to content 
نائب وزیراعظم اور وزیر خارجہ اسحاق ڈار نے ورلڈ اکنامک فورم کے موقع پر تھائی لینڈ کے وزیر خارجہ سہاسک فوانگ کیٹ کیو کے ساتھ اہم ملاقات کی، جس میں دونوں ممالک کے درمیان سفارتی تعلقات کے 75 سال مکمل ہونے پر باہمی مبارکباد کا تبادلہ بھی کیا گیا۔
وزارت خارجہ کے مطابق دونوں رہنماؤں نے پاکستان اور تھائی لینڈ کے دوجانہ تعلقات کی جامع جانچ پڑتال کی اور اقتصادی، تجارتی، سرمایہ کاری اور زرعی شعبوں سمیت مختلف میدانوں میں تعاون کو مزید مضبوط بنانے کے عزم کا اعادہ کیا۔
ملاقات میں علاقائی اور بین الاقوامی امور پر بھی خیالات کا تبادلہ ہوا۔ دونوں فریقین نے باہمی مفاد کے شعبوں میں شراکت داری کو نئے سرے سے پروان چڑھانے اور سفارتی تعلقات کی گولڈن جوبلی کو عملی تعاون میں تبدیل کرنے پر زور دیا۔
مذکورہ ملاقات اس وقت ہوئی ہے جب پاکستان خطے میں اپنی اقتصادی اور سفارتی شراکت داریوں کو وسعت دینے کے لیے کوشاں ہے، جبکہ تھائی لینڈ بھی جنوب مشرقی ایشیا میں اپنے مرکزی کردار کو مستحکم کرنے کی کوششوں میں مصروف ہے۔ خیلا رہے کہ ونوں ممالک کے مابین تعلقات کا سفر 1951 میں شروع ہوا، جو اب تجارت، ثقافت اور اسٹریٹجک تعاون کے وسیع پلیٹ فارم تک پھیل چکا ہے۔
