اسرائیل کی جانب سے ایران پر حالیہ فضائی حملوں کے بعد مشرقِ وسطیٰ میں صورتحال انتہائی کشیدہ ہو گئی ہے۔ اسرائیلی فوج (آئی ڈی ایف) نے دعویٰ کیا ہے کہ حملوں میں ایران کی اعلیٰ عسکری اور سیکیورٹی قیادت کو نشانہ بنایا گیا، جن میں کئی اہم شخصیات جاں بحق ہوئیں۔
آئی ڈی ایف کے مطابق جاں بحق ہونے والوں میں ایران کے وزیر دفاع عزیز نصیر زادہ، سپریم لیڈر کے ملٹری بیورو کے سربراہ محمد شیرازی، سپریم لیڈر کے سیکیورٹی امور کے مشیر اور دفاعی کونسل کے سیکریٹری علی شمخانی، پاسدارانِ انقلاب کی گراؤنڈ فورسز کے کمانڈر محمد پاکپور شامل ہیں۔
اس کے علاوہ دفاعی تحقیقاتی ادارے کے چیئرمین حسین جبل عاملیان، اسی ادارے کے سابق چیئرمین رضا مظفری نیا اور خاتم الانبیاء سینٹرل ہیڈکوارٹر کے انٹیلی جنس سربراہ صالح اسدی کی ہلاکت کا بھی دعویٰ کیا گیا ہے۔
مزید برآں امریکی اسٹیٹ ڈیپارٹمنٹ نے دعویٰ کیا ہے کہ اسرائیلی حملوں میں ایران کے سپریم لیڈر آیت اللہ علی خامنہ ای اور ان کے صاحبزادے مجتبیٰ خامنہ ای اور ان کی اہلیہ بھی جاں بحق ہو چکے ہیں۔