ڈھاکا میں کھیلے گئے تین ون ڈے میچوں کی سیریز کے دوسرے میچ میں پاکستان نے بنگلادیش کو ڈک ورتھ لوئیس میتھڈ کے تحت 128 رنز سے شکست دے دی۔
پاکستان نے پہلے بیٹنگ کرتے ہوئے 48ویں اوور میں 274 رنز بنائے۔ بارش کے باعث بنگلادیش کو 32 اوورز میں 243 رنز کا ہدف دیا گیا۔
ہدف کے تعاقب میں بنگلادیش کی پوری ٹیم 24ویں اوور میں 114 رنز بنا کر آؤٹ ہو گئی۔
پاکستان کی جانب سے معاذ صداقت نے 46 گیندوں پر 75 رنز کی جارحانہ اننگز کھیلی جس میں 6 چوکے اور 5 چھکے شامل تھے۔ سلمان علی آغا نے 64 جبکہ محمد رضوان نے 44 رنز بنائے۔ صاحبزادہ فرحان 31 رنز کے ساتھ نمایاں رہے۔
بنگلادیش کی جانب سے رشاد حسین نے 3 جبکہ مہدی حسن میراز نے 2 وکٹیں حاصل کیں۔
جواب میں بنگلادیش کی جانب سے لٹن داس 41 رنز کے ساتھ نمایاں رہے جبکہ توحید نے 28 اور سیف حسن نے 12 رنز بنائے۔
پاکستان کے معاذ صداقت اور حارث رؤف نے 3،3 وکٹیں حاصل کیں جبکہ شاہین شاہ آفریدی نے 2 کھلاڑیوں کو آؤٹ کیا۔
اس فتح کے بعد تین میچوں کی سیریز ایک، ایک سے برابر ہو گئی ہے۔ پہلے میچ میں بنگلادیش نے پاکستان کو شکست دی تھی۔
دیکھئیے:پہلا ون ڈے: بنگلہ دیش نے پاکستان کو 8 وکٹوں سے شکست دے دی