تہران: ایران نے اسرائیلی خفیہ ایجنسی موساد کے لیے جاسوسی کے الزام میں کوروُش کیوانی نامی شخص کو سزائے موت دے دی۔ ایرانی حکام کے مطابق ملزم حساس مقامات کی تصاویر اور معلومات موساد کو فراہم کرتا رہا تھا۔
رپورٹس کے مطابق ایرانی حکام کا کہنا ہے کہ ملزم کو گزشتہ سال حراست میں لیا گیا تھا اور اس پر الزام تھا کہ وہ اہم سکیورٹی تنصیبات سے متعلق معلومات اسرائیلی ایجنسی تک پہنچاتا رہا۔
ایرانی میڈیا کے مطابق کوروُش کیوانی کے قبضے سے نقد رقم، گاڑیاں اور کمیونیکیشن آلات بھی برآمد ہوئے، جبکہ حکام کا دعویٰ ہے کہ اسے بیرون ملک تربیت بھی دی گئی تھی۔
یہ پیشرفت ایسے وقت میں سامنے آئی ہے جب ایران اور اسرائیل کے درمیان کشیدگی میں اضافہ ہو رہا ہے اور ایران اندرونِ ملک مبینہ جاسوسی نیٹ ورکس کے خلاف کریک ڈاؤن تیز کر چکا ہے۔
تجزیہ کاروں کے مطابق ایران کی جانب سے جاسوسی کے الزامات میں سزاؤں کا سلسلہ خطے میں جاری خفیہ جنگ اور بڑھتی ہوئی کشیدگی کا عکاس ہے۔
دیکھئیے:ٹاپ انٹیلیجنس چیف علی لاریجانی اپنے بیٹے سمیت شہید؛ ایران کے سرکاری میڈیا نے تصدیق کر دی
