اسلام آباد: چین کے سفیر جیانگ زی ڈونگ نے مشرق وسطیٰ میں پاکستان کے ثالثی کردار کو قابلِ ستائش قرار دیتے ہوئے کہا ہے کہ پاکستان خطے میں کشیدگی کم کرنے کیلئے اہم سفارتی کردار ادا کر رہا ہے۔
اسلام آباد میں پریس کانفرنس کرتے ہوئے چینی سفیر کا کہنا تھا کہ چین تنازعات کے حل کیلئے طاقت کے بجائے مذاکرات اور سفارتکاری کا حامی ہے اور یکطرفہ اقدامات کی مخالفت کرتا ہے۔
انہوں نے کہا کہ مشرق وسطیٰ کی موجودہ صورتحال میں طاقت کی سیاست مسائل کو مزید بڑھا رہی ہے، جبکہ چین بین الاقوامی قانون کو کسی بھی ملک کے داخلی قانون کے تابع کرنے کے خلاف ہے۔
چینی سفیر نے اس بات پر زور دیا کہ غیر فوجی اہداف کو نشانہ نہیں بنایا جانا چاہیے اور عالمی تجارت کیلئے اہم بحری راستوں کی سلامتی ہر صورت یقینی بنائی جائے۔
ان کا کہنا تھا کہ چین کی ثالثی کوششیں تنازع کے پرامن حل تک جاری رہیں گی، جبکہ پاکستان سمیت خطے کے دیگر ممالک کا مثبت کردار بھی اہمیت کا حامل ہے
دیکھئیے:مشرق وسطیٰ جنگ: چین کا ایران، اردن، لبنان اور عراق کیلئے ہنگامی امداد کا اعلان