گوادر: مشرق وسطیٰ میں جاری کشیدگی کے باعث روایتی شپنگ روٹس متاثر ہونے لگے ہیں، جس کے نتیجے میں گوادر پورٹ کی عالمی سطح پر اہمیت میں نمایاں اضافہ ہو رہا ہے۔
وفاقی وزیر برائے بحری امور محمد جنید انوار نے گوادر پورٹ پر نئے جہاز کی کامیاب برتھنگ کی تقریب سے خطاب کرتے ہوئے بتایا کہ ایم وی ایچ ایم او لیڈر کی کامیاب برتھنگ کے دوران 35 یونٹس ٹرانس شپمنٹ کارگو ہینڈل کیا گیا۔
انہوں نے کہا کہ خطے میں غیر یقینی صورتحال کے باعث عالمی شپنگ لائنز محفوظ متبادل راستوں کی تلاش میں ہیں اور اسی تناظر میں گوادر بندرگاہ ایک محفوظ اور مؤثر بحری مرکز کے طور پر ابھر رہی ہے۔
وفاقی وزیر کا کہنا تھا کہ گوادر پورٹ پر ٹرانس شپمنٹ کارگو کیلئے مفت اسٹوریج جیسی سہولیات بھی فراہم کی جا رہی ہیں، جس سے بین الاقوامی تجارتی سرگرمیوں کو مزید فروغ مل رہا ہے۔
انہوں نے مزید کہا کہ موجودہ صورتحال پاکستان کیلئے ایک اہم موقع ہے کہ وہ گوادر کو عالمی لاجسٹک حب کے طور پر مستحکم کرے، جبکہ اس پیشرفت سے نہ صرف تجارت میں اضافہ ہوگا بلکہ ملکی معیشت کو بھی تقویت ملے گی۔
دیکھئیے:پاکستان کا بڑا تجارتی فیصلہ، ایران و وسطی ایشیا کو برآمدات کیلئے خصوصی رعایت کا اعلان
