کابل: افغانستان میں طالبان حکومت کے مخالف مسلح گروپ افغانستان فریڈم فرنٹ نے صوبہ نورستان میں ایک بڑی گوریلا کاروائی کا دعویٰ کیا ہے۔ فرنٹ کی جانب سے جاری کردہ ایک حالیہ بیان کے مطابق، اس کے جنگجوؤں نے منگل، 22 مئی کو رات تقریباً ایک بجے صوبہ نورستان کے ضلع وایگل کے مرکز کو نشانہ بنایا۔ یہ کارروائی لگ بھگ 20 منٹ تک پوری شدت کے ساتھ جاری رہی۔
تھیاروں کا استعمال
بیان میں بتایا گیا ہے کہ گوریلا کاروائی کے دوران افغانستان فریڈم فرنٹ کے جنگجوؤں نے طالبان کے ٹھکانوں کے خلاف بھاری ہتھیاروں کا آزادانہ استعمال کیا۔
گروپ کا دعویٰ ہے کہ اچانک کیے جانے والے اس حملے میں طالبان کو بھاری جانی و مالی نقصان اٹھانا پڑا ہے، تاہم حملے میں ہونے والی ہلاکتوں اور زخمیوں کی درست تعداد کے بارے میں تاحال آزادانہ ذرائع سے تصدیق شدہ معلومات دستیاب نہیں ہو سکیں۔
شہری تنصیبات کے استعمال کا الزام
افغانستان فریڈم فرنٹ نے اپنے بیان میں طالبان پر الزام عائد کیا ہے کہ نورستان میں طالبان کے انتظامی دفاتر اور شہری تنصیبات کو رہائش گاہوں اور رات کے وقت جنگجوؤں کے اجتماع کے مراکز کے طور پر استعمال کیا جا رہا ہے۔
گروپ کے ترجمان نے مزید واضح کیا کہ اس پوری کارروائی کے دوران فرنٹ کا کوئی بھی جنگجو زخمی یا ہلاک نہیں ہوا اور تمام حملہ آور بحفاظت اپنے ٹھکانوں پر واپس پہنچنے میں کامیاب رہے۔
دیکھیے: افغانستان فریڈم فرنٹ کا طالبان کی گاڑی پر حملے کا دعویٰ، 2 اہلکار ہلاک