سیکیورٹی امور کے تجزیہ کار راشد ولی جنجوعہ نے کہا ہے کہ اقوامِ متحدہ کی سلامتی کونسل کی قرارداد 1267 کے تحت القاعدہ سے وابستہ دہشت گرد تنظیموں کی مرکزی فہرست میں کسی بھی گروہ کو شامل کرنے کے لیے رکن ممالک کا اتفاقِ رائے ضروری ہوتا ہے۔
انہوں نے مزید کہا کہ اس کے برعکس سلامتی کونسل کی قرارداد 1373 میں ایسی کوئی پابندی موجود نہیں، جس کے تحت ہر ملک کو یہ اختیار حاصل ہے کہ وہ اپنے قومی قوانین کے مطابق کسی تنظیم کو دہشت گرد قرار دے سکے۔
راشد ولی جنجوعہ کے مطابق بلوچ لبریشن آرمی (بی ایل اے) کو قرارداد 1373 کے تحت دہشت گرد تنظیم قرار دینے کے لیے موزوں معاملہ سمجھا جا سکتا ہے۔
