ایرانی فوج نے خبردار کیا ہے کہ اگر مستقبل میں ایران پر کسی بھی قسم کا حملہ کیا گیا تو اس کا پہلے سے زیادہ سخت اور فیصلہ کن جواب دیا جائے گا۔
ایرانی فوج نے یہ بیان آپریشن مرصاد کی سالگرہ کے موقع پر جاری کیا۔ بیان میں کہا گیا کہ ملک کی مسلح افواج ہر قسم کے خطرات اور دشمن کی ممکنہ سازشوں پر پہلے سے زیادہ گہری نظر رکھے ہوئے ہیں۔
فوج کے مطابق وہ کسی بھی صورتحال سے نمٹنے کے لیے مکمل طور پر تیار ہیں۔ بیان میں کہا گیا کہ ایرانی فوج پہلے سے کہیں زیادہ چوکس ہے۔
فوج نے کہا کہ وہ ملک کی سلامتی، خودمختاری اور علاقائی سالمیت کے دفاع کے لیے ہر وقت تیار رہے گی۔ ایرانی فوج کے مطابق ملک کی آزادی اور سرحدوں کا تحفظ اس کی اولین ترجیح ہے۔
فوج نے واضح کیا کہ اگر کسی بھی فریق نے مستقبل میں ایران کے خلاف جارحیت کی تو اس کا پہلے سے زیادہ سخت اور مؤثر جواب دیا جائے گا۔ فوج نے مزید کہا کہ ایران اپنی دفاعی صلاحیتوں کو مضبوط بنانے کا عمل جاری رکھے گا۔
اس کا مقصد کسی بھی ممکنہ خطرے کا فوری اور مؤثر انداز میں مقابلہ کرنا بتایا گیا۔ یہ بیان ایرانی خبر رساں ادارے تسنیم کے ذریعے جاری کیا گیا۔ بیان میں آپریشن مرصاد کو ایران کی دفاعی تاریخ کا ایک اہم مرحلہ قرار دیا گیا۔
دیکھیے: امریکہ کے پاس ضرورت سے زیادہ اسلحہ موجود ہے: صدر ٹرمپ
