جنرل سید عامر رضا کی فیلڈ مارشل عاصم منیر سے اہم ملاقات

جنرل سید عامر رضا نے باضابطہ طور پر کمانڈر نیشنل اسٹریٹجک کمانڈ (سی این ایس سی) کا منصب سنبھال لیا ہے۔

آئی ایس پی آر کے مطابق منصب سنبھالنے پر کمانڈر نیشنل اسٹریٹجک کمانڈ کو جی ایچ کیو آمد پر گارڈ آف آنر پیش کیا گیا۔ بعد ازاں انہوں نے یادگارِ شہداء پر پھولوں کی چادر چڑھائی اور وطنِ عزیز کی خاطر جانوں کا نذرانہ پیش کرنے والے شہداء کو خراجِ عقیدت پیش کرنے کے لیے فاتحہ خوانی بھی کی۔

فیلڈ مارشل سے ملاقات

عہدے کا چارج سنبھالنے کے بعد کمانڈر نیشنل اسٹریٹجک کمانڈ جنرل سید عامر رضا نے جی ایچ کیو میں فیلڈ مارشل سید عاصم منیر، نشانِ امتیاز (ملٹری)، ہلالِ جرات سے اہم ملاقات کی۔

ملاقات کے دوران فیلڈ مارشل سید عاصم منیر نے جنرل سید عامر رضا کو نیشنل اسٹریٹجک کمانڈ کی اہم اور حساس ذمہ داریاں سنبھالنے پر مبارکباد پیش کی اور ان کے لیے نیک خواہشات کا اظہار کیا۔