مظفرآباد میں بلیک آؤٹ اور سکیورٹی آپریشن سے متعلق سوشل میڈیا پر گردش کرنے والی خبریں مکمل طور پر من گھڑت اور فیک نیوز ثابت ہوئی ہیں۔ ذرائع اور حکام نے ان کی شدید تردید کرتے ہوئے واضح کیا ہے کہ علاقے میں ایسی کوئی سکیورٹی کارروائی یا بلیک آؤٹ نہیں ہوا ہے۔
سوشل میڈیا پر وائرل ہونے والی ان جھوٹی خبروں کے پیچھے ملک دشمن اور کشمیر مخالف عناصر کا ہاتھ ہے، جن کا مقصد آزاد کشمیر میں خوف و ہراس اور بے یقینی کی فضا قائم کرنا ہے۔ اے آئی مواد کے ذریعے تیار کردہ ان من گھڑت پوسٹوں کے ذریعے عوام کو گمراہ کرنے کی ناکام کوشش کی جا رہی ہے۔
حکام نے شہریوں سے اپیل کی ہے کہ وہ سوشل میڈیا پر پھیلائی جانے والی ان غیر تصدیق شدہ اور گمراہ کن افواہوں پر بالکل کان نہ دھریں اور صرف موثق ذرائع پر اعتماد کریں۔ افواہ سازی میں ملوث عناصر کی سرکوبی کے لیے قانون نافذ کرنے والے ادارے متحرک ہو چکے ہیں۔