خیبر پختونخوا میں سکیورٹی فورسز نے انٹیلی جنس بیسڈ کارروائی کے دوران متعدد خوارج کو جہنم واصل کر دیا، جبکہ ہلاک دہشت گردوں کے قبضے سے بھاری مقدار میں اسلحہ اور گولہ بارود برآمد کر لیا گیا ہے۔
سکیورٹی ذرائع کے مطابق خیبر پختونخوا میں عزمِ استحکام وژن کے تحت گزشتہ دو ماہ سے مؤثر انٹیلی جنس بیسڈ کارروائیاں جاری ہیں۔ اسی سلسلے میں شمالی وزیرستان کے علاقے کھٹی کلی میں سیکیورٹی فورسز نے کامیابی سے آپریشن کیا، جس کے دوران خوارج کے متعدد ٹھکانے مکمل طور پر تباہ کر دیے گئے۔
ذرائع کا کہنا ہے کہ کارروائی کے دوران فتنۃ الخوارج کے متعدد دہشت گردوں کے زخمی ہونے کی بھی اطلاعات ہیں۔ سکیورٹی فورسز کی جانب سے آپریشنز کے دوران اس بات کو ہر ممکن حد تک یقینی بنایا جا رہا ہے کہ مقامی آبادی کے جان و مال کا تحفظ رہے اور عام شہریوں کو کوئی نقصان نہ پہنچے۔
سکیورٹی حکام کا کہنا ہے کہ فورسز خیبر پختونخوا میں پائیدار امن کے قیام اور دہشت گردی کے مکمل خاتمے تک اپنی مؤثر کارروائیاں بلا تعطل جاری رکھیں گی۔
دیکھیے: خیبر پختونخوا میں سکیورٹی فورسز کی بڑی کارروائی، 10 عسکریت پسند ہلاک
