پاکستان اور امریکہ کے درمیان انسدادِ دہشت گردی کے حوالے سے مذاکرات کا چوتھا دور واشنگٹن میں منعقد ہوا، جس میں دونوں ممالک نے دہشت گردی کے خلاف تعاون کو مزید مستحکم کرنے پر اتفاق کیا ہے۔
امریکی محکمہ خارجہ کی جانب سے جاری کردہ مشترکہ اعلامیے کے مطابق اس اعلیٰ سطح کے اجلاس میں دہشت گردی کے خلاف مشترکہ حکمتِ عملی پر تفصیلی تبادلہ خیال کیا گیا۔ مذاکرات کے دوران سرحدی سکیورٹی کو مزید بہتر بنانے اور دہشت گردوں کے مالیاتی ونگز اور نیٹ ورکس کو توڑنے کے امور پر گہری بات چیت ہوئی۔
اجلاس کے دوران امریکہ اور پاکستان نے خطے میں سرگرم خطرناک دہشت گرد تنظیموں، بالخصوص داعش، القاعدہ، کالعدم تحریک طالبان پاکستان (ٹی ٹی پی) اور کالعدم بلوچستان لبریشن آرمی (بی ایل اے) کے خلاف بھرپور کارروائیوں اور مشترکہ عزم کا اعادہ کیا۔
دونوں ممالک کے نمائندوں نے اس بات پر زور دیا کہ خطے میں دیرپا امن، استحکام اور معاشی خوشحالی کے حصول کے لیے باہمی اشتراک اور مربوط کوششوں کو جاری رکھنا ناگزیر ہے۔
دیکھیے: پاکستان سمیت دنیا بھر میں آج یومِ استحصالِ کشمیر منایا جا رہا ہے
