آئی ایس پی آر کے زیرِ اہتمام سمر انٹرن شپ پروگرام 2026 کے تحت چانسلر الغزالی یونیورسٹی اور مہتمم جامعۃ الرشید مفتی عبد الرحیم کی خصوصی نشست منعقد ہوئی۔ اس نشست میں ملک بھر کے 21 مختلف اسٹیشنز سے 6 ہزار 150 سے زائد طلبا و طالبات نے آن لائن اور براہِ راست شرکت کی۔
مفتی عبد الرحیم نے اپنے خطاب میں نظریۂ پاکستان، ریاست کی اہمیت اور قومی سلامتی کے موضوعات پر تفصیلی گفتگو کی۔ ان کا کہنا تھا کہ پاکستان اللہ کی عظیم نعمت اور امانت ہے، جس سے محبت، اس کی حفاظت اور ترقی کے لیے کام کرنا ہر شہری کی دینی و قومی ذمہ داری ہے۔
انہوں نے سکیورٹی فورسز کی فتنۃ الخوارج کے خلاف قربانیوں کو عظیم دینی و قومی فریضہ قرار دیا۔ ان کا کہنا تھا کہ خوارج مسلمانوں کو نشانہ بناتے ہیں، جبکہ اسلام بے گناہ جانوں کی حفاظت اور امن قائم کرنے کی تعلیم دیتا ہے۔
مفتی عبد الرحیم نے غزوۂ احد میں حضرت امِّ عمارہؓ کے کردار کی مثال دیتے ہوئے خواتین کے قومی سلامتی میں کردار کو سراہا۔
دیکھیے: افغانستان دہشتگردوں کی محفوظ پناہ گاہ بن چکا، عالمی برادری اقدامات کرے: پاکستان