بلوچستان میں سکیورٹی فورسز نے ایک بڑی انٹیلی جنس بیسڈ کارروائی کرتے ہوئے فتنۃ الہندوستان کے اہم سرغنہ سمیت 5 دہشت گردوں کو ہلاک کر دیا ہے۔
سکیورٹی ذرائع کے مطابق آپریشن ردالفتنۃ 3 کے تحت سکیورٹی فورسز نے پنجگور کے علاقے سرکینی اور چھیدگی میں دہشت گردوں کی موجودگی کی خفیہ اطلاع پر کارروائی کی۔ اس کے نتیجے میں اہم سرغنہ وزیر ولد جمال سمیت 5 دہشت گرد ہلاک ہو گئے۔
کارروائی کے دوران دہشت گردوں کے قبضے سے 4 موٹر سائیکلیں، مشین گنز اور بھاری مقدار میں اسلحہ و گولہ بارود برآمد کیا گیا۔ ہلاک دہشت گرد پنجگور میں مقامی تاجروں اور شہریوں سے لوٹ مار، بھتہ خوری، اغوا اور دہشت گردانہ کارروائیوں میں ملوث تھے۔
ذرائع کا کہنا ہے کہ علاقے میں ممکنہ دیگر دہشت گردوں کے خاتمے کے لیے کلیئرنس آپریشن جاری ہے۔ سکیورٹی فورسز نے عزم ظاہر کیا ہے کہ بلوچستان سے دہشت گردی کے مکمل خاتمے کے لیے انٹیلی جنس بیسڈ کارروائیاں بلا تعطل جاری رکھی جائیں گی۔
دیکھیے: بلوچستان: آپریشن ردالفتنہ 3 کے تحت انٹیلی جنس بیسڈ کارروائیاں، 15 خوارج ہلاک