پاک افغان سرحد کے قریب سکیورٹی فورسز نے دراندازی کی بڑی کوشش کو ناکام بناتے ہوئے انتہائی کارروائی کے دوران 15 خوارج کو ہلاک کر دیا ہے۔
آئی ایس پی آر کے مطابق سکیورٹی فورسز نے پیشہ ورانہ مہارت کے ساتھ سرحد پار سے پاکستان میں داخل ہونے کی کوشش کرنے والے دہشت گردوں کو نشانہ بنایا۔
ہلاک ہونے والے خوارج کے قبضے سے بھاری مقدار میں جدید اسلحہ، گولہ بارود اور دھماکہ خیز مواد برآمد کر لیا گیا ہے۔
یہ سکیورٹی فورسز کا ایک ایسا فیصلہ کن اقدام ہے جس نے بی ایل اے اور دیگر کالعدم تنظیموں کے بلوچستان میں نام نہاد کامیاب کارروائیوں کے دعوؤں کو ہوا میں اڑا دیا ہے۔
دہشت گرد عناصر پاکستان میں امن و امان کو سبوتاژ کرنے کے پے درپے منصوبے بنا رہے تھے، تاہم فورسز کی بروقت کارروائی نے ان کے تمام عزائم خاک میں ملا دیے ہیں۔
آئی ایس پی آر نے واضح کیا کہ افغان طالبان حکومت افغان سرزمین کو پاکستان کے خلاف استعمال ہونے سے روکنے اور اپنی بین الاقوامی ذمہ داریاں نبھانے میں مکمل ناکام رہی ہے۔
ترجمان کے مطابق خطے میں دیگر ممکنہ دہشت گردوں کی موجودگی کو ختم کرنے کے لیے علاقے میں سرچ اور کلیئرنس آپریشن مسلسل جاری ہے۔
پاک فوج نے عزم کا اعادہ کیا ہے کہ غیر ملکی سرپرستی میں چلنے والی دہشت گردی کے مکمل خاتمے اور وطن کی سرحدوں کی حفاظت کے لیے انسدادِ دہشت گردی مہم پوری طاقت سے جاری رہے گی۔
دیکھیے: انسداد دہشت گردی آپریشنز کے باوجود اگست میں شدت پسند حملوں میں 38 فیصد اضافہ
