نائب وزیراعظم اور وزیر خارجہ سینیٹر محمد اسحاق ڈار نے ناروے کے وزیر خارجہ ایسپن بارتھ ایدے سے ٹیلی فونک رابطہ کیا ہے۔
اسحاق ڈار نے شاہِ ناروے ہیرالڈ پنجم کے انتقال پر پاکستان کی جانب سے دلی تعزیت کا اظہار کیا۔
ترجمان دفتر خارجہ کے مطابق اسحاق ڈار نے صدر، وزیراعظم، فیلڈ مارشل، اپنی جانب سے اور پاکستانی عوام کی طرف سے شاہی خاندان سے ہمدردی کا اظہار کیا۔
انہوں نے ناروے کے عوام سے بھی تعزیت اور افسوس کا اظہار کیا۔ اس موقع پر نائب وزیراعظم نے کہا کہ پاکستان مشکل کی اس گھڑی میں ناروے اور شاہی خاندان کے ساتھ کھڑا ہے۔
آخری رسومات میں نمائندگی
اسحاق ڈار نے ناروے کے وزیر خارجہ کو وزیراعظم شہباز شریف کے فیصلے سے بھی آگاہ کیا۔
انہوں نے بتایا کہ وفاقی وزیر مواصلات عبدالعلیم خان کو 9 ستمبر کو اوسلو میں ہونے والی شاہ ہیرالڈ پنجم کی آخری رسومات میں پاکستان کی نمائندگی کے لیے نامزد کیا گیا ہے۔
شاہ ہیرالڈ پنجم کا انتقال 89 برس کی عمر میں ہوا۔ ان کی آخری رسومات 9 ستمبر کو ناروے کے دارالحکومت اوسلو میں ہوں گی۔
ٹیلی فونک گفتگو کے دوران دونوں وزرائے خارجہ نے پاکستان اور ناروے کے درمیان قریبی رابطہ برقرار رکھنے پر اتفاق کیا۔
اسحاق ڈار اور ایسپن بارتھ ایدے نے اقوام متحدہ کی جنرل اسمبلی کے اجلاس کے موقع پر ملاقات کی خواہش کا بھی اظہار کیا۔
دونوں ممالک کے درمیان باہمی رابطوں کو مزید مضبوط بنانے پر بھی بات چیت ہوئی۔
دیکھیے: ٹرمپ نے ایران جنگ میں امریکی ہلاکتیں تسلیم کر لیں، تعداد بھی بتا دی
