فتنہ الخوارج پر ایسے حملوں کے دعوے کرنے کا الزام عائد کیا گیا ہے جو مبینہ طور پر پیش ہی نہیں آئے۔ ناقدین کے مطابق سیکیورٹی فورسز کے بڑھتے ہوئے دباؤ کے باعث فتنہ الخوارج اپنی کم ہوتی آپریشنل صلاحیت کو چھپانے کے لیے پراپیگنڈا مہم چلا رہا ہے۔
ذرائع کے مطابق سیکیورٹی فورسز کی مسلسل انٹیلی جنس بیسڈ کارروائیوں سے فتنہ الخوارج کے نیٹ ورکس اور آپریشنل صلاحیت متاثر ہو رہی ہے۔
اس صورتحال میں تنظیم کی جانب سے مختلف حملوں کے دعوے کیے جا رہے ہیں۔ تاہم، بعض دعووں کی آزاد ذرائع سے تصدیق نہیں ہو سکی۔
بیان میں دعویٰ کیا گیا ہے کہ بڑھتے ہوئے آپریشنل دباؤ کے باعث فتنہ الخوارج کے بعض ارکان افغانستان منتقل ہو رہے ہیں۔
بیان کے مطابق افغانستان طویل عرصے سے فتنہ الخوارج کے لیے محفوظ پناہ گاہ کے طور پر استعمال ہوتا رہا ہے۔
بیان میں کہا گیا ہے کہ فتنہ الخوارج زمینی سطح پر نمایاں کارروائیاں کرنے میں مشکلات کے باعث معلوماتی محاذ پر اپنی سرگرمیوں کا تاثر دینے کی کوشش کر رہا ہے۔
مبینہ جعلی اور مبالغہ آمیز دعوؤں کا مقصد عوام میں خوف پیدا کرنا اور تنظیم کی کمزور ہوتی پوزیشن کو چھپانا بھی ہے۔
اس کے علاوہ، ایسے دعوے ارکان کا حوصلہ بڑھانے کے لیے بھی استعمال کیے جا سکتے ہیں۔ بیان میں الزام لگایا گیا ہے کہ فتنہ الخوارج بیرونی معاونین کے سامنے اپنی سرگرمیاں برقرار دکھا کر مالی اور لاجسٹک مدد حاصل کرنے کی کوشش کر رہا ہے۔