افغان کرکٹ بورڈ چیئرمین نصیب خان زدران کی ایک مبینہ ویڈیو نے نئی بحث چھیڑ دی ہے۔ یہ ویڈیو سوشل میڈیا پر تیزی سے وائرل ہو رہی ہے۔
ویڈیو سے متعلق دعویٰ ہے کہ یہ مناظر ایشین گیمز کے دوران کے ہیں۔ مناظر میں نصیب خان زدران کو ایک ہندو مندر میں دیکھا جا سکتا ہے۔ وہ وہاں مذہبی رسم کے دوران گھنٹیاں بجا رہے ہیں۔
شرعی نفاذ پر سوالات
طالبان رجیم افغانستان میں اسلامی شریعت کے نفاذ کو اپنی حکومت کی اصل شناخت بتاتی ہے۔ اس پس منظر میں افغان کرکٹ بورڈ چیئرمین کا یہ عمل شدید سوالات کی زد میں آگیا ہے۔
ناقدین کے نزدیک یہ اقدام طالبان کے دعوؤں سے واضح تضاد رکھتا ہے۔ کرکٹ بورڈ سربراہ کا یہ طرز عمل کابل انتظامیہ کے سخت گیر نظریے پر انگلیاں اٹھا رہا ہے۔
بھارت سے روابط اور منافقت
سوشل میڈیا پر اس واقعے کو بھارت اور طالبان کے بڑھتے روابط سے جوڑا جا رہا ہے۔ صارفین کا کہنا ہے کہ تعلقات بہتر بنانے کے لیے طالبان اپنے نظریاتی بیانیے سے پیچھے ہٹ رہے ہیں۔
اس واقعے پر طالبان رجیم پر دہری پالیسی اور منافقت کے الزامات لگائے جا رہے ہیں۔ ماہرین اسے کابل حکومت کے بدلتے ہوئے سیاسی اور سفارتی اطوار کا ثبوت قرار دے رہے ہیں۔
