وزیرستان کے علاقے میرعلی زڑکی میں سکیورٹی فورسز اور تحریک طالبان پاکستان (ٹی ٹی پی) کے درمیان جھڑپوں کے دوران شہری آبادی بھی متاثر ہونے کی اطلاعات ہیں۔
ذرائع کے مطابق جھڑپوں کے دوران دہشتگردوں نے ایک شہری کے گھر پر مارٹر گولے داغے۔ گولے گھر پر گرنے سے اندر موجود متعدد افراد جاں بحق اور زخمی ہوگئے۔
واقعے کے بعد علاقے میں خوف و ہراس پھیل گیا۔ متاثرہ خاندان کو شدید جانی نقصان کا سامنا کرنا پڑا، جبکہ علاقے میں سکیورٹی صورتحال بدستور کشیدہ ہے۔
شہری آبادی بھی زد میں
وزیرستان میں جاری جھڑپوں کے باعث مقامی آبادی کو بھی مشکلات کا سامنا ہے۔ شہریوں میں اپنی جان و مال کے تحفظ کے حوالے سے تشویش پائی جاتی ہے۔
شمالی وزیرستان میں بدامنی کے واقعات کا براہ راست اثر عام شہریوں پر پڑ رہا ہے۔ متاثرہ علاقوں میں سکیورٹی صورتحال کے باعث معمولات زندگی بھی متاثر ہوتے ہیں۔
دیکھیے: باجوڑ: سکیورٹی فورسز کا آپریشن، داعش کا مطلوب دہشتگرد ہلاک
