کوئٹہ: بلوچستان کے ضلع کیچ میں سکیورٹی فورسز نے کامیاب کارروائی کی ہے۔ فائرنگ کے شدید تبادلے میں 7 دہشت گرد مارے گئے ہیں۔
ذرائع کے مطابق سکیورٹی اہلکار گوادرگو میں معمول کے گشت پر تھے۔ اس دوران موٹر سائیکلوں پر سوار مشتبہ افراد کو دیکھا گیا۔
فائرنگ اور ہلاکتیں
اہلکاروں نے مشتبہ افراد کو رکنے کا اشارہ کیا۔ دہشت گردوں نے رکنے کے بجائے سکیورٹی فورسز پر اندھا دھند فائرنگ شروع کر دی۔
فورسز نے فوری پوزیشن سنبھال کر مؤثر جوابی کارروائی کی۔ فائرنگ کے ابتدائی تبادلے میں 4 دہشت گرد موقع پر ہی ہلاک ہو گئے۔
اضافی نفری اور کلیئرنس آپریشن
واقعے کے بعد علاقے میں سکیورٹی فورسز کی مزید نفری طلب کر لی گئی۔ فرار ہونے والے باقی دہشت گردوں کی تلاش کے لیے سرچ آپریشن شروع کیا گیا۔
تعاقب کے دوران فورسز کی کارروائی میں مزید 3 دہشت گرد مارے گئے۔ اس طرح ہلاک دہشت گردوں کی مجموعی تعداد 7 ہو گئی ہے۔
علاقے میں سکیورٹی فورسز کا کلیئرنس آپریشن تاحال جاری ہے۔ فورسز ممکنہ طور پر چھپے دیگر دہشت گردوں کا سراغ لگا رہی ہیں۔
دیکھیے: خیبرپختونخوا، بلوچستان میں بڑی کارروائیاں، 17 دہشت گرد ہلاک، 6 جوان شہید
