بلوچستان کے مختلف علاقوں میں سکیورٹی فورسز کی کارروائیوں کے دوران 11 دہشت گرد ہلاک ہوگئے۔
سکیورٹی ذرائع کے مطابق آپریشن ردالفتنہ 3 کے تحت پنجگور اور چاغی میں دہشت گردوں کے خلاف کارروائیاں کی گئیں۔
پنجگور میں 5
ذرائع کے مطابق پنجگور کے علاقے گوارگو میں سکیورٹی فورسز نے کارروائی کرتے ہوئے 5 دہشت گردوں کو ہلاک کردیا۔
کارروائی کے دوران ہلاک دہشت گردوں کے قبضے سے بڑی مقدار میں اسلحہ اور گولہ بارود بھی برآمد کیا گیا۔
چاغی میں 6
سکیورٹی ذرائع کے مطابق چاغی کے علاقوں امین آباد اور سیاہ چنگ میں بھی دہشت گردوں کے خلاف کارروائیاں کی گئیں۔
ان کارروائیوں کے دوران مزید 6 دہشت گرد ہلاک ہوئے۔ ہلاک دہشت گردوں کے قبضے سے بھی بڑی مقدار میں اسلحہ اور گولہ بارود برآمد کیا گیا۔
ذرائع کا کہنا ہے کہ بلوچستان میں دہشت گردوں کے خلاف سکیورٹی فورسز کی کارروائیاں جاری ہیں۔ کارروائیوں کا مقصد دہشت گردی کے نیٹ ورکس کا خاتمہ اور علاقے میں امن و امان کو یقینی بنانا ہے۔
دیکھیے: کوہاٹ پولیس لائنز پر حملہ، جوابی کارروائی میں 6 دہشت گرد ہلاک
