سوشل میڈیا پلیٹ فارم ایکس پر پاکستان اور سعودی عرب کے دفاعی تعلقات کو نشانہ بنانے کے لیے چلائی جانے والی منظم مہم بے نقاب ہو گئی ہے۔
متعدد بھارتی پراپیگنڈا اکاؤنٹس نے من گھڑت دعویٰ کیا کہ حوثیوں نے شاہ عبدالعزیز ایئر بیس پر میزائل حملہ کیا ہے۔ ان پوسٹس میں افواہ پھیلائی گئی کہ مبینہ حملے میں ہینگرز کو نشانہ بنا کر پاک فضائیہ کے 3 جے ایف-17 تھنڈر طیاروں کو نقصان پہنچایا گیا۔
اس مہم کے تحت یہ من گھڑت دعویٰ بھی کیا گیا کہ پاکستان نے اپنے طیاروں اور فوجیوں کے انخلاء کا فیصلہ کیا ہے۔ اس پراپیگنڈے کا مقصد پاک سعودی دفاعی تعاون اور مکہ ڈیفنس پیکٹ پر بے بنیاد سوالات اٹھانا تھا۔
دفاعی ذرائع اور آزاد مانیٹرنگ اداروں نے اس پروپیگنڈے کو یکسر مسترد کر دیا ہے۔ ذرائع کا کہنا ہے کہ ایسی خبروں میں کوئی سچائی نہیں اور سعودی عرب میں ایسا کوئی واقعہ پیش نہیں آیا ہے۔
تجزیہ کاروں کے مطابق پاک فضائیہ کی ساکھ اور پاک سعودی برادرانہ تعلقات سے بوکھلا کر بھارتی فیک نیوز نیٹ ورکس نے یہ ناکام کوشش کی ہے۔ ڈیجیٹل مانیٹرنگ نے ثابت کیا ہے کہ یہ دعوے سچائی سے خالی اور مربوط ڈس انفارمیشن مہم کا حصہ ہیں۔
