وانا: خیبرپختونخوا کے ضلع شمالی وزیرستان میں سکیورٹی فورسز نے کامیاب کارروائی کرتے ہوئے 8 دہشت گردوں کو ہلاک کر دیا ہے۔
سکیورٹی ذرائع کے مطابق فورسز نے علاقے میں انٹیلی جنس معلومات پر مبنی مؤثر آپریشن کیا۔ کارروائی کے دوران دہشت گردوں کے خفیہ ٹھکانوں کو مکمل طور پر تباہ کر دیا گیا۔
ہلاک ہونے والے دہشت گردوں کے قبضے سے بھاری مقدار میں اسلحہ، گولہ بارود اور دیگر جنگی سامان برآمد کر لیا گیا ہے۔
ذرائع نے بتایا کہ خوارج نے فورسز سے بچنے کے لیے مسجد کو بطور ڈھال استعمال کرنے کی کوشش کی۔ تاہم جوانوں نے مسجد کے تقدس کو ملحوظ خاطر رکھتے ہوئے انتہائی مہارت سے دہشت گردوں کو نشانہ بنایا۔
سکیورٹی حکام کا کہنا ہے کہ خیبرپختونخوا سے فتنہ الخوارج کے مکمل خاتمے تک سکیورٹی فورسز کے ٹارگٹڈ آپریشنز بلا تعطل جاری رہیں گے۔
دیکھیے: بلوچستان میں فورسز کی بڑی کارروائی، شعبان میں 13 شدت پسند ہلاک